Fréttir

Tæplega fjórðungur launafólks innan aðildarfélaga ASÍ og BSRB telur að starf sitt hafi breyst eða muni breytast vegna nýrrar tækni eða loftslagsbreytinga. Ný skýrsla Vörðu Rannsóknastofnunar vinnumarkaðarins, sýnir jafnframt að áhrifin leggjast misþungt á hópa, þar sem innflytjendur og fólk í tekjulægstu hópum hefur oftar áhyggjur af starfsöryggi og upplifir frekar aukið álag.

Ríkisstjórn sem vill bæta opinbera þjónustu á ekki að byrja á að rýra réttindi starfsfólks. Hún á að byrja á sjálfri sér, til dæmis með því að tryggja að einföld grunnatriði eins og regluleg starfsmannasamtöl séu skylda hjá öllum stofnunum. Við vitum mikilvægi þeirra – ekki af því að okkur finnst það, heldur vegna gagna.

Sonja Ýr Þorbergsdóttir, formaður BSRB, færði Sameyki stéttarfélagi textílverk eftir Ölfu Rós Pétursdóttur að gjöf á veglegri afmælishátíð sem félagið hélt í tilefni þess að 100 ár eru síðan Starfsmannafélag Reykjavíkurborgar var stofnað. 

Árlegur Fræðsludagur Réttindanefndar BSRB var haldinn miðvikudaginn 14. janúar. Nefndin hefur það hlutverk að taka til umfjöllunar og athugunar mál sem snerta hagsmuni aðildarfélaga BSRB. Hún tekur einnig að sér fræðslu í málefnum sem snerta réttindi launafólks, þyki henni tilefni til.

Kjaradeilunni var vísað til gerðardóms í nóvember á síðasta ári eftir að viðræður skiluðu ekki niðurstöðu

Í ljósi þeirra neikvæðu áhrifa og kostnaðar sem skapast af umönnunarbilinu á fjölskyldur, vinnumarkað, jöfnuð og jafnrétti er stórmerkilegt að málið hafi ekki verið tekið heildstætt til umræðu og tryggt að börn hafi sama rétt til leikskólapláss alls staðar á landinu.

Tölfræðileg samantekt okkar á kvennaári sýnir að kynjamisrétti verður hvorki skilið né leyst með því að horfa einangrað á einstaka mælikvarða. Kynjamisrétti verður til í samspili vinnumarkaðar, fjölskylduábyrgðar, velferðarkerfa og öryggis kvenna, sem kallar á samþættar og markvissar aðgerðir. Umfjöllun okkar um tvöfalda mismunun innflytjendakvenna undirstrikar líka þörfina á að tölfræði sé hægt að greina eftir uppruna

Á árinu gafst einnig kærkomið tækifæri til að funda oftar í formannaráði BSRB og skerpa forgangsröðun áherslumála BSRB gagnvart stjórnvöldum. Þar er einhugur um að setja kröfuna um fjölskylduvænna samfélag í forgrunn, ekki síst nú þegar líður að sveitarstjórnarkosningum

BSRB óskar félagsfólki og landsmönnum öllum gleðilegrar hátíðar og notalegra samvista með fjölskyldu og vinum. Við þökkum fyrir samstarfið á árinu sem er að líða.

Hefðbundnar hugmyndir um hlutverk kynjanna valda því að konur sinna heimili og börnum í miklu meira mæli en karlar. Sú vinna fer fram samhliða launaðri vinnu og hefur áhrif á vinnutíma, tekjur og möguleika kvenna til fjárhagslegs sjálfstæðis.